جميع كدبات الفائزة في مسابقة اكبر كدبة ( احلى بنوتة )

السلام عليكم ورحمة الله وبركاتة

طبعأ الكل عارف انو مسابقة اكبر كدبة انتهت بفوز احلى بنوتة

وقد اعطيت الهدية الاولى وهيا لون مميز

وهذة الهدية الثانية وهيا عبارة عن موضوع مثبت لكل كدباتها يعرض لشهر كامل

والهدية الثالثة وهيا اشراف لقسم لمدة شهر واحدة ستانلها قريباً

وهذة كدباتها :

كدبة الاسبوع الاول

معاكم احلى بنوته في الدنيا دي واكبر دليل اني احلى بنوته شفتوا كيف القمر احيانا يجي ناقص عارفين ليه عشان الباقي معايا واذا جا كامل اعرفوا انو انا ماخرجت داك اليوم وبعدين انا والقمر بيننا قصه حب قديمه ومافيها اي خيانات بس انتهت لانو القمر حقكم اتزوج قبل اسبوعين وانا ماحضرت لانو كنت ابكي وندمانه انو سابني واتزوج وقررت اعيش كدا من غير حب ولا احباب لانو حبيب قلبي القمر اتزوج وتركني بس هوا وعدني انو يسمي اسم بنتو على اسمي وقلي انو راح يسمي ولدو تركي يعني القمر خلاص كنيته ابو تركي من اليوم ورايح واسم بنته على اسمي ؟ في احد شاف ابو تركي ياشباب وصبايا


كدبة الاسبوع الثاني


مرة يوم كان عندي حفلة انا وماما ووقتها لبست وكدا ودخلت غرفة ماما عشان اتعطر لقيت عطر جديد وشكله يجنن قلت ينفع احط منه ودوبي فكيته لانو جديد ومسكته وجيت احط منو طاح وانكسر وااااو وماما ماشافتني لانها لسى تاخد شور ماعرفت ايش اسوي و لازم ادبر نفسي وبدات احلى بنوته في شغل اللخبطه وجبت عطورة من عندي وكريمات وكمون وزيوت وعافيه ومويا شويا وكم عصير ولخبطهم في بعض ودبرتلهم علبه وحطيتهم فيها وخرجت ماما وفكت العطر الي انا سويتو وهيا ماتدري ورشت ومررررة عجبها وطلع مررة حلو وقتها انا قوتلها انو انا لخطبت وسويته واشتهر العطر حقي الملخبط واخدت عليه جائزة نوبل والحاجه ام الاختراع



كدبة الاسبوع الثااااالث

كدبتي انو مرررة كنت جالسه على البحر مع مامي وبابي واخويا الصغير وعمره 2 سنتين يعني يادوب يمشي
وشويا ويحنى جالسين وهوا يمشي يمين ويسار ماشاء الله وشيا كدا طاح على البحر والبحر عميق وابويا مايعرف يسبح وانا يادوب متعلمه ولابسه عبايه وحاله نطيت وطلعته من جو وجلست ماسكته وخضيته لين ماطلعت المويا من بطنوا وخرجتوا وانا خرجت بعدو ونشفت نفسي وماصار شي وسلامتكم


كدبة الجولة ماقبل الاخيرة

1- احلى بنوتة
مرررة طلعت البحر انا واخواني واخواتي وكانت الرحله صباح بدري طبعا انا خبيرة غوص اخدت معايا العدة وطلعنا البحر بس دخلنا جو في عمق المهم لبست عدتي ونزلت ومعايا مسدس حق صيد وهاتك صيد مافي غير صيد حيتان وقروش ودلافين السمك دا العادي صغنووط وحرام اصيده فجاة كدا جاء تمساااح وكااان كبير مرررررة بس قلت انا قدها ورميته بالسهم في عيونه وطلعته القارب وانا حاضنته اما القروش شرد مني من 20 كيلو عشان عارف اني شديدة ومافكرت فيهم بس مشكلتي اني اخاف من الابو مقص لحد يضحك وداك اليوم رجعت من الطلعه ومعايا صيد 12 الف كيلو




كدبة الجولة الاخيرة



مرة كنت بتفرج على مبارة في التلفزيون وكانت النتيجة خمسة صفر للفريق الخصم وقررت العب قمت سرقت مفتاح السيارة من ابويا واخدت السيارة ودعس على الملعب وانا في الطريق وقفت عند محل ملابس رياضية واشتريت نفس البدلة حقت فريقي وكتب عليا احلى بنوتة ودلت الملعب وقلت للمدرب ابا العب قلي طيب ودخلت وسجلت 7 اهداف 3 بالراس و 4 دبل و1 سقاطي
<< كدابة 3+4+1 = 8
ههههههههههههههههههههههههه

مع ارق تحياتي : ابليس الدعيس