كلمات من القاموس السعودي,,,

احببت ان انزل هذه الكلمات من القاموس السعودي

1-الدلخ:وهذا إنسان غبي جدا .. ويرفع الضغط ..وينرفز.. واكثر من يعاني منه المدرسي واهلهه.

2- المنسم : ذلك راجع إلى تهريب الهواء من رأسه والسبب في ذلك فهو ان في رأسه فتق فتلقاه دايم يغطس راسه في سطل مويه عشان يعرف من وين التنسيم .

3- المهوي : وهو مرحله متاخره من التنسيم والمهوي وصل الى مرحاله متاخره جدا بحيث يفقد اهله الرجاء منه .

4-السلنتح : قليل الادب.

5- الجحلط : ((بتشديد الام )): وهم مرحله متقدمه من السلنتح .

6- مزلب : يعني بايعها بتراب.

7- مسفح : يعني طاير بالعجه ما عنده ماعند جدتي يعني بالعربي الفصيح من جنب العارضه .

8- الفاهي: هذا الله يخلف عليه مهما تكلمه وتصارخ عليه تلقاه فاتح فمه وبس واذا كلف عمره وتفاعل معك قالك: هاه .

9- العله : هذا اللي ما تاخذ منه شي ولا عنه استعداد يسمع منك مهما تحاول مهع وهو كالمرض يعلك لين يفقع مرارتك.

10- العربجي : يظن معظم الناس ان العربجي هو شخص شديد حق مشاكل واللي ما يمشي والا مشخص بنت البكار وحاط مفاتيحه في سلسله ولابس زبيري ويسحبها تسحيب لين جاء يمشي ودايم فاتح صدره ورازه على فوق وكانك ولد ابوك تحرش فيه .

11- الكحلي : يطلق مسمى الكحلي على ذوي البشره السمراء ولان ذوي البشره البيضاء ماعندهم لقب قدموا احتجاجا للا مم المتحده بختيار الون الفضي لهم .

12- المرجوج : هذا ما عمره سوا شي صح في حياته وما يمديك تفتح فمك الا وطار بالعجه بدون ما يفهم السالفه .

13- السربوت : هذا ما يخلي مكان والا ويروح له وقد كان الاولين يطلقون لقب السربوت على من يشرب الدخان لكن الحين الله يخلف الناس قامت تشرب الدخان بيديها وبرجولها .

14- السمرمدي : وهو من فصيله السربوت .

15- الداشر : هذا قليل ادب ولا يحب يمشي الا مع السرابيت .

16- الملكع : اما هذا يعرف السكن(( اي الجن )) ومقطع السمكه وذيلها ومهما حاولت تلف وتدور معه تراه فاهم وش تبي بضبط .

17-الزعيط : هذا مسوي فاهم كل شي وهو ن جنب العارضه .

18- المصرقع : هو شخص ما يهمه شي والي في باله بيسويه لانه ماخذ الدعوه وساعه صدر ووناسه .

19- المفلت : هذا ما تقدر تأمنه على شي لا نه مهوب تكانه ويتميز بكل انواع التطنيش و الاهمال .

20- الخكري : ببساطه الخكري = نعومه + دلع + ليونه .

21- الزقه : هذا الشخص الي على طول معك وراك وراك وين ما تروح تطلع عند الباب تلقاه في وجهك تركب السياره تلقاه يطق القزازه وهكذا

اتمنى ان تعجبكم
وشكراا

17-الزعيط : هذا مسوي فاهم كل شي وهو ن جنب العارضه .

- الفاهي: هذا الله يخلف عليه مهما تكلمه وتصارخ عليه تلقاه فاتح فمه وبس واذا كلف عمره وتفاعل معك قالك: هاه .

=================================

ههههههههههههههههههههههههههههههههههههههه

وربي كاااااااااااااااااااي

مشكووووووووور
ياسوسو

على القاموس دا

ههههههههههههههههههههههه

سلمو على المرو الحلو يا خيال

ههههههههههههههههههههههههههههههههههههههههههههههههههههههه

كاااااااااااااااااااااااااي

مشكوووووووووور ياسوسو

ولاتحرمنا من جديدك ياعسل

مشكور ابليس على المرور