نتايج الجولـ 2 ــة

السلام عليكم ورحمة الله وبركاتة

اليوم اعلن نتائج الجولة الثانية من بطولة اكبر كذبة ولله الحمد كان التنافس قوي جدا وتعبت الين ما رتبت المراكز الترتيب الصحيح

علما بان عدد المشتركين في المسابقة : 13 مشترك

وكانت المراكز على النحو التالي :

1- حمودي
2- الكوبر
3- Mr.LoLo
4- نونة الحنونة
5- خيال رغم انف الخيل
6- روكي
7- فان تس تيك
8- توني
9- لولو الصغيرة
10-كول بوووي
11- احلى بنوتة
13- ديبو
13 - انتظر كلمة احبك

واعضاء لم يقوموا بتسليم كدبتهم وهم ( دودي جيرل - سلو - مستر ميدو - السمرونة )
وقد اعطيت لهم فرصة في الاسبوع الماضي ولكن واصلو عدم ارسال رسايلهم
وبهذا فهم خارج المسابقة والمنافسة


وهذة الكدبات


1- حمودي

انا مكاوي وادرس في ماليزيا. رحت احج بعدين قلت ابغا ارجع ماليزيا عشان عندي اختبار مالقيت حجز قلت مافي الا السفينه رحت انا وولد عمي قالو الرحله تاخذ ثلاثه ايام مشينا اليوم الاول كان يوم الثلوث اضن المهم يوم الربوع وقفت السفينه في وسط البحر سألت قالو عطل وبيرسلو سفينه ثانيه ويبغالها يوم علبال ماتجي يعني على يوم الخميس ولسع باقلينا يومين يعني السبت نوصل والمشكله انو اختباري يوم السبت يعني مااقدر اتأخر .قلتمافي غير السباحة وولد عمي ما يعرف يسبح ونقزنا في البحر شويه اتذكرت انو كتب الاختبار لازم اشيلها رجعت طبعا اخذتها طبعا ولد عمي على ضهري ورافع يد عشان لاتنعدم الكتب و بيد اسبح .المهم شويه شفنا شي كبير يتحرك الا هوا سمك قرش يالله وولد عمي فوق ضهري ورافع يد .قلت خليني اهجم عليه قبل مايهجم عليا جيت من وراه ونقزت عليه وضغط على رقبتو وخنقتو سار يتحرك و دعس ولد عمي خاف. بدء يلعب في الطريق يروح يمين ضغط عليه من اليسار المهم مشيتو مزبوط .فجأه لقينا نفسنا بين 15 قرش بس مو متأكد طبعا شفنا الموت قلت مافي الا اني اقتله عشان يخافو .عضيتو في رقبتو خرجت اللحم شويه البحر سار كلو احمر اطالع على اليمين واليسار ولا قرش وربي ماتمشي معاهم الا العين الحمراء واخذتها سباحه لمن الشاطئ ووصلنا بس تعباااانين



2- الكوبر

كنت انا واخويا ماشين في خط المدينة واحنا في الطريق ولا وادك الخروف الي شرد من القطيع وجاء في وسط الطريق السريع واخويا ما انتبه له
وصدمنا في الخروف واغمى علينا ولمن قمنا من الاغماء كملنا الطريق وشوي كدة نسمع صوت ( ام بيع ام بيع ) ونطالع ورا الا نشوف الخروف قاعد يبكي وينزف دم وقفنا على جنب واتصلنا على الاسعاف وبعد دقية من الزمن جاء الاسعاف وركبو الخروف في الاسعاف وضربو ابر وسولو تنفس اكسجين المهم رحنا المستشفى واتبرعتلو بالدم وطبعا انا كوول وسار الخروف زي وسار يلبس سروال طيحني سو كدش في شعرو ويلبس بوكسر
وشارك في ستار اكادمي وطبعا البنات كانو معجبين بيه وبس يصولتو وفاز باللقب
هههههههههههههههههه



3- مستر لولو

كان في سباق سيارات بين لمبرجيني و بوورش ونا كان معايا الإيكو المهم كانو يتسابقو ودخلت عرظ بينهم وكنا قريبين من النهاية وفكيت النيتروو ومن قوت النيترو طرت ورحت الاسكا وحاصت السيارة وكان في مجموعة بطاريق قدامي وطوت بوري بعدولي مساحة لنص السارة ورفعت على كفرين ودخلت بين البطاريق بالريوس ونط معايا بطريق في السيارة ورحنا نتمشا أنا و البطريق عند تمثال الحرية وغمزت لبنت عجبتني وطلعت بنت أمير وطاردتني 100 همر مكتمة ومهبطة وسحبتبهم ودخلت من تحت شاحنة و95 همر صدمو فيها والبقية حووطوعلية وحرقت الإزفلت تخميس لين ماطلعت الموية من تحت الأرض وطارة الإيكومن الموية ونا في الجو فكيت النيتروو الثاني ووصلت البطريق بيته ورجعت البيت



4- نونة النونة

اهلين شباب وصبايا؟
مرررررة وانا طالعه مع صحباتي وراكبين مع السواق الا وشوياكدا ويحنى في وسط الخط السواق نام ومحد داري عنو وكنا راح نصقع في السيارة اليقدامنا قمت انا من محلي ونطيت ومسكت الدركسون ولفيت وماصار لاحادث وولا شي وبعد كداالبنات شجعوني وخلوني اطلع سباق على مستوى العالم للفرومولا واحد وطلعت نونهوماقصرت واخدت الاول وضربت الرقم القياسي العالمي والسباق كان 20 كيلو اخدتها في 4دقايق ونص والمركز التاني بعدي 22 دقيقه يعني انا خلصت ورحت البيت ودقوا عليا بعدينقالولي انو الي بعدي وصل خط النهاية وبس


5- خيال رغم انف الخيل

احم احم
مرة كنت طاير لوحدي بـ الاسكوتر حقي وكان الجو مرة باااااارد طبعا فوق كوكب الشمس بس ما يأثر فيا عشان تعرفوني قوي والدليل كنت لابس برمودة وكت
المهم وانا طاير شفت ارانب قاعدين يلعبو سله حتى فريق الارانب السود كان متقدم على البيض المهم انا وقفت وقعدت اتفرج المباراة شوية كدا تجي نملة ضخمة كبييييييييرة بتاكل الارانب المساكين
قمت انا واطلع مسدس الموية حقي واروح من بعييييد واقنص على النملة واطلق عليها وتطيح لكن ما ماتت لأنها كبيررررررررة مرة واقوم البس جزمتي السحرية واجي داااااعس واشوتها ظفر اطيرها كوكب زحل
وبعدين الارانب شكروني وجوزوني اختهم هدية عشاني انقذتهم
بعدين صحيت من النوم :: ( يلاا مدرسة قوووووم )
: طيب طيب
هههههههههههههههههههههههههههههههههههههههههه



6- روكي
هدي مني ليكم اكبر كدبه شهدها الشرق الاوسط على الاطلاق ....
اسمعوا ,,,,
مره وانا رايح مشوار وانا في طريق المدينه المهم انا مسرع ومستعجل عشان الحق الشباب وكان معايه سياره لامبرجيني شوي انا اطالع وراي الى وفي 7 دوريات و10 مرور سري يطاردون فيني عشان مسرع وقدامي 5 حواجز مسامير حاطينها وازيد من السرعه يوم وصلت السرعة 300الى وفي زر اخضر ياشر وانا ما اعرف ايش هوا وفجاءة ضغطه الى وسيارتي صار لها جنحان واطير من فوق الحواجز المسامير واطير في السماء وبعدين ارجع لهم واجلس استهبل عليهم اكشح لهم بالانوار وانزل شوي واطلع وبعدين سبتهم ورحت عند الشباب واستانست ورجعت ولا احد قالي شي


7- فان تس تيك

ياشباب وصبايا مررررررة وانا جالس في الصاله واتفرج على الاخبار الا واسمع انو امريكا بترمي قنبله نوويه على العراق وانو راح يرومها الصباحيعني بعد خمسه ساعات وعلى طوووول قمت جري واروح اخدلي تاكسي وعلى الحدود الشماليه ومن الحدود ركبتلك دراجه وللعراق واذن الفجر والا وشويا اشوف طيارة فوقي ورمت قنبله وعرفت انها هيا النوويه وياحلوين اخدتلي هيلوكوبتر ايجار وطلعت جنب القنبله وهيا طايحه خلاص وشلت معايا خيشه كبيرة ونقزت من الطيارة على القنبله وحطيتها في الخيشه وطحت من فوق على صندقة حمام وقمت نفضت ملابسي ورميت القنبله في الزباله



8- توني


كنت يوم في الشركة حقتي(اغنى شركه في العالم)وانا جالس ادير الشركة دق عليه كرستيانو رونالدو وقلي تكفى يا توني بغيتك في مباراه رونالدينو متحديني ولا اقدرله ومافي غيرك قلتله اشوف وقفلت السماعة وبعدين قعدت افكر انا والسكرتير حقي والغيت صفقات با الملاييييييييييييييييييين علشان العب مع كرستيانو مو حبا فيه بس اضيع طفش اصلا انا ماني محتاج للملاين هذي فقلت ياولد خليني العب معاه ايش ورانا والله واروح المباراه رونالدينو يوم شافني نزلت الملعب اغمى عليه بس الحمد لله قام والله واجي اخذ الكورة من باب لباب دقدقة واجيب هدف والثاني والثالث المهم فزنا على فرق رونالدينيو 30 صفر هذي بس في الشوط الاول وبين الشوطين انسحبوا والمهم جاء كريستانو يسلم على راسي يقوللي الحمد لله انك جيت وبعده قلت له لا ماعليك هذا واجبنا (متواضع)دوبني روحت القصر الا توم كروز يدق علي يقولي تكفى لا عاد تشبك بنات البنات صفوني غطيت علي في الجمال (ذلحين البنات يصدقون)وارسلتله كم بنت ورجعت نمت




9- لولو الصغيرة

هلايااعضاء احلى منتدى في العالم ؟
وهادي كدبتي ويارب تعجبكم؟
مر عليا يوم وانا في القصر وطفشانه وحاااااااله دقيت على بابا قتلو انا بدي عروسه باربي قلي روحي اشتري من محلات الالعاب الي عندك قتلو لا بطلع لندن اخد عروسه وااجي قلي طيب روحي بس لا تتاخري وطلعت لندن انا والخدامه ولمى وصلنا لندن سالت قالولي النو ع الي انا ابغاه مافي غير في اسبانيا ورحتاسبانيا واخدت العروسه ورجعت تاني البيت وكانت العروسه جنااااااان تخيلو كانت حامل وكان عمرها 22 ولها سنتين متزوجه وعريسها مات قبل 4 سنين بس كانت حلوووة وزي القمر بس انا احلى طبعا



10- كووول بوي


في يوم من الايام وانا جالس في الحديقة حقت بيتنا وكانت السماء زرقاء وصافيه والجو عليل وشويا كدا طالعت بالصدفة لفوق الا واشوف طيارة جالسه تتمايل وشكلها راح تتطيح جلست افكر ايش اسوي وطبعا جا في بالي اني البس لبس باز يطير وعلى طول مااتاخرت ولبست لبس باز وطلعت فووووق وقدرت امسكها واهديها واخليها ماتتمايل وربطها من قدام وجلست اسحبها معايا بشويش عشان الركاب وانزل شويا شويا لين مانزلتها في المطار وكل شي سليم وقامت العالم تصفقلي واتصور معايا وشكروني وتاني يوم اسمي في الصفحة الاولى في عكاظ ياحلوين




11- احلى بنوتة


مرة يوم كان عندي حفلة انا وماما ووقتها لبست وكدا ودخلت غرفة ماما عشان اتعطر لقيت عطر جديد وشكله يجنن قلت ينفع احط منه ودوبي فكيته لانوجديد ومسكته وجيت احط منو طاح وانكسر وااااو وما ماما شافتني لانها لسى تاخد شور ماعرفت ايش اسوي و لازم ادبر نفسي وبدات احلى بنوته في شغل اللخبطه وجبت عطورة من عندي وكريمات وكمون وزيوت وعافيه ومويا شويا وكم عصير ولخبطهم في بعض ودبرتلهم علبه وحطيتهم فيها وخرجت ماما وفكت العطر الي انا سويتو وهيا ماتدري ورشت ومررررة عجبها وطلع مررة حلو وقتها انا قوتلها انو انا لخطبت وسويته واشتهر العطر حقي الملخبط واخدت عليه جائزة نوبل والحاجه ام الاختراع



12- ديبووووو



نشرت صحيفة منتديات كول فور ايفر بحادثة قتل الاعب الكبير المحترم الذي اعتزل قريبا سامي عبد الله الجابر
وكانت حادثت قتله مريعه ففي يوم الاربعاء من شهر مارس 1640/2/25 وبعد ماشارك سامي الجابر في منتدى كول فور ايفر
وكان عضو نشيط ومتحمس فغار منه الاقويا امثال ابليس الدعيس الذي انفجر من كثرت الحقد وفي ذلك اليوم هجم
ابليس على منزل سامي وكان ابليس يحمل ساطور ويلبس قناع مخيف ويقول لسامي بطريقه هبله موت ياسامي موت يا
سامي وضربه بالساطور في يده فتوفه سامي وحكم بالسجن على ابليس يومين وطرد من منتدى كول فور ايفر



13- انتظر كلمة احبك



مره كنت في البحر اسبح واي شي المهم ومعايا ناس كتير وزحمه واحنا كنا نسبح جا ودخل على واحد اعرفو قرش كبير
انا روحت عند صاحبي وقتلت القرش بس الحمد ما صار شي له وطلعت وزعت اللحم على اللي كانو برا
وشوينا وضحك وفله ووناسه واي شي



فاذأ النومنية لهذا الاسبوع هما ( ديبو Vs انتظر كلمة احبك )

وبهذا فان على جميع المشتكرين الذين قامو بارسال كدبتهم ( 11 مشترك ) بالتصويت للعضو الذي يردون بقاءة في بالرد على الموضوع

املأً من الجميع ان يشدو حيلهم في الجولات القادمة لانو البطولة من بدايتها نار × نار
واسال الله اني اكون محقاً في الترتيب ومحد يزعل مني .


ملاحظة هامة جداً : على كل المتاهلين الي الجولة الثانية والفايز من النومنية بارسال كدبتهم قبل يوم الجمعة القادم والوقت مفتوح من السبت الى يوم الجمعة والسبت ساقوم باعلان النتايج في موضوع مشابهة لهذا الموضوع

مع اجمل تحياتي : ابليس الدعيس

مشكوووووووووووووووووور جميعا على مرووكم

( روكي - خيال - الكوبر )

وانقبل تصويتكم

مشكووووووور توني

والنتيجة


4 ديبو

1 انتظر كلمة احبك

وباقي 6 اصوات

مشكووووورين يا مشاغبتين (احلى بنوتة & نونة الحنونة )

ههههههههههههه

وانقبل تصويتكم

مشكوووووووووورين كوووووول بوي ولولو

على مرووركم

وخلاص التصويت انتهى

بفوز وتأهل ديبوو الى الجولة الثالثة

بالتوفيق للجميع