الجولة ماقبل الاخيرة

السلام عليكم ورحمة الله وبركاتة

اليوم اعلن نتائج الجولة ماقبل الاخيرة من بطولة اكبر كذبة ولله الحمد كان التنافس جيد لحد ما

علما بان عدد المشتركين في المسابقة المتبقين : 6 مشتركين

وكانت المراكز على النحو التالي :

1- احلى بنوتة
2- الكوبر
3- روكي
4- كووول بوي
5- لولو الصغيرة
6- خيال رغم انف الخيل ( عزوووزي )

واعضاء لم يقوموا بتسليم كدبتهم وهم (فان تس تيك - ديبوووو )
وبهذا فهم خارج المسابقة والمنافسة

وهذة الكدبات :

1- احلى بنوتة

مرررة طلعت البحر انا واخواني واخواتي وكانت الرحله صباح بدري طبعا انا خبيرة غوص اخدت معايا العدة وطلعنا البحر بس دخلنا جو في عمق المهم لبست عدتي ونزلت ومعايا مسدس حق صيد وهاتك صيد مافي غير صيد حيتان وقروش ودلافين السمك دا العادي صغنووط وحرام اصيده فجاة كدا جاء تمساااح وكااان كبير مرررررة بس قلت انا قدها ورميته بالسهم في عيونه وطلعته القارب وانا حاضنته اما القروش شرد مني من 20 كيلو عشان عارف اني شديدة ومافكرت فيهم بس مشكلتي اني اخاف من الابو مقص لحد يضحك وداك اليوم رجعت من الطلعه ومعايا صيد 12 الف كيلو



2-الكوبر

نجحت في الثانوية بنسبة 40 % وبتقدير ممتاز مرتفع ولله الحمد المهم فكرت اطلع بعثة لبريطانيا عشان اتعلم انجليزي وانا في الطيارة طلعو فيها 15 ارهابي وكلهم طلعو مستدساتهم وقتلو الكابتن والطيارة مالت وكانت قريبة من جبل قمت طلعت مسدس الموية حقي وقتلتهم كلهم ورحت بسرعة للدريكسون وابا ارفع الطيارة لاتطيح الا عشاني غبي نزلت الدريكسون لتحت وطحنا في البحر وانقذت الناس كلهم ولمن وصلت بريطانيا طلعو كلهم يتكلو ياباني مافي احد يتكلم انجليزي وفقدت الامل ورجعت السعودية مشي على رجلي لاني حرمت ركوب الطيارة

3-روكي

تدرون اني مره رحت لبنان وبنشر الكفر علي
وانا نازل اصلحه وقف جنبي سيارة رولز رايس ونزلت ايسا وقالت لي لأ لأ عود مكانك
انا بصلح لك الكفر اهم شي راحتك حبيبي
وجلست انا اسمع اغاني في السيارة وهي مسكينه قاعده تشتغل في الشمس
وكل ما نزلت ابغى اساعدها تقولي : لأ لأ والله تئعود مكانك وترتاح ما تاكل هم
ويوم خلصت من الكفر قالت لي بغير لك زيت السياره وغيرت الزيت ونظفت السياره وغسلتها وبعدين قالت
هات توقيعك واعطيتها التوقيع ورجعت البيت



4-كوول بوي

احكيكم قصتي مع مكوك الفضاء زمااان وانا في المتوسطه صارت عندنا مسابقه في المدرسه كل طالب يشارك ويسوي مكوك فضاء ويجربه كل اصحابي جابو اشياء صغيرة كانها لعبه الا انا رحت جبت واحد يركبو فيه اتنين ومسويه بنفسي ومسوي فيه جنان وحاط في اوفرات ومركبله كفر مقاس عشرين ومنكسه من قدام ورامي اللوحه ارض ومسوي زحف بالمكوك حقي وجيتك المدرسه وسويت احلى عرض حطيته ووجهتوا على فوووق الا ادق بنزين ودوبك عالقمر طلعة من الصباح ومارجعت غير الصرفه انا وواحد من اصحابي رحنا لفه عالقمر ورجعنا واخدت الجائزة طبعا

5-لولو الصغيرة

قبل كم يوم بابا جا مسافر وقلي قومي وصحاني من النوم وسلم عليا وقلي يالله انتبي على نفسك انا ماشي واخد اغراضوا ومشي عالمطار وبعدها شويتين كدا شفت جواله في البيت وعرفت انو سيه طب ايش اسوي وهوا وقتها خلاص طالع عالطيارة ومو داري طلعت السطوح وركزت على جيب بابا وشوووتوو طااار الجوال من بيتنا لين وصل المطار وطاير داخل جيب ابويا وهوا في درج الطيارة بعدين حس انو في شي دخل يدو في جيبوا لقى الجوال وماحس بكل الي صار ومو داري وانا طبعا مع قوة الشوته انكسرت رجلي بس لصقتها بغرى خشب لوووووووول وبس


6-خيال رغم انف الخيل

انا مرة كنت ماشي في الخط وفجأة كدا اطالع يميني لقيت واحد طاح في حفرة مقاساه 2×3 سم
ههههههههههههههههه
المهم وجيت انا ماقدر اخش فيها لأنها صغيرة بس مدري كيف دخل هوا المهم جبت مصاصة حقت عصير وحطيتها في الحفرة وشفطته
وطلع في فمي واتفل بس طلع واتروش وجا شكرني
وقلتله سري وبس
ههههههههههه

فأذا النومنية لهذا الاسبوع هما ( لولو الصغيرة Vs خيال رغم انف الخيل )

وعلى فكرة الخارج من هذة الجولة هو الي راح يحكم معايا الجولة الاخيرة

وبهذا فان على جميع المشتكرين الذين قامو بارسال كدبتهم (4 مشتركين ) بالتصويت للعضو الذي يردون بقاءة في بالرد على الموضوع

املأً من الجميع ان يشدو حيلهم في الجولة القادمة لانها الجولة الاخيرة والمصيرية

واسال الله اني اكون محقاً في الترتيب ومحد يزعل مني .

تقبلو تحياتي : ابليس الدعيس

اولا : مشكوووورين على مرووركم حبايبي

ثانيا ً : انا اسف على التأخير بس والله كانت عندي اختبارت ومن هذا الكلام

طيب نجي للنتيجة النهائية للجولة هذة وهي

3-1لولو الصغيرة

وبهذا لولو الصغيرة تتاهل للجولة النهائية

وخروج عزوز من المنافسة