نتيجة الجولــ 3 ــة

السلام عليكم ورحمة الله وبركاتة

اليوم اعلن نتائج الجولة الثالثة من بطولة اكبر كذبة ولله الحمد كان التنا فس قوي جدا وملتهب

علما بان عدد المشتركين في المسابقة المتبقين : 9مشتركين

وكانت المراكز على النحو التالي :

1- ديبووو
2- الكوبر
3- فان تس تيك
4- كووول بوي
5- لولو الصغيرة
6- خيال رغم انف الخيل (عزوزي )
7- روكي
8- نونة الحنونة
9- احلى بنوتة

واعضاء لم يقوموا بتسليم كدبتهم وهم ( tony- mr.lolo- حمووودي )
وبهذا فهم خارج المسابقة والمنافسة

وهذة الكدبات :

1- ديبوووو

مره كنت مشارك في مسابقه الدراجات الناريه والمسافه مره كبيره حقت السباق كان بداية السباق في روسيا والنهايه في نيوزلندا,المهم بدينا السباق وانا كنت الاول ومع السرعه الي انا ماشي فيها وصلت نيوزلندا ومامسكت معايا الفرامل وصقعت في جبل من جبال المحيط المتجمد الجنوبي وطرت من الدباب وارجع في روسيا من جديد وكمان في محل السباق وقالولي لسع المتسابقين ماوصلو السعوديه بدري الحق واخد دباب والحق فيها باقصى سرعه واتعديتهم وسرت الاول وخلاص رايح على الفوز واطالع في الخط والاقي جمل والف يمين واطيح في المحيط الهندي وارجع اشغل الدباب وادعس واجيب الاول والي قهرني الجائزه عشرة ريال,وشكرا

2- الكوبر

يوم من الايام صحيت من النوم جيعان قلت لازم اروح المطعم وكانت الساعة الحادية عشر وخمسين دقيقة والمطعم يتقفل الساعة 12 يعني بقي 10 دقائق نزلت من البيت وابا اركب السيارة ماشفتها قولت اكيد اخويا اخدها ومافي سيارة غيرها الا الوايت حق جيراننا قلت وايت وايت اهم شي اكل واروح اكسر القزاز وافتح الباب واشبك الاسلاك في بعضها واتكرهب لكن من الجوع ما حسيت وادعس واصدم سيارات وادعس ناس والعداد يمشي 100 انا مشيتو 200 ولما وصلت المطعم وبقي نص دقيقة وشفت العمال بيقفلو الباب زعق عليهم وقلتلهم لا تقفلو ابا اكل قالولي خلاص قفلنا واضارب معاهم وخشو عليا العمال كلهم وضربتهم كلهم وطبخت لنفسي واتصلت عزمت اصحابي وسوينا حفلة وبعد ما خلصنا الحفلة اخرج الا اشوف الوايت سار سيفك وطلع انو انا شفت السيفك وايت مع الجوع

3- فان تس تيك

السلام عليكم
اهلين بااحلى اعضاء بالعالم يقلكم مررررررة كنا طالعين طلعة كدا شباب ورايحين استراحه والمشكله انو الاستراحة دي بعبده يعني مشوووار عالعموم وصلنا الاستراحة وقعدنا يومين وكدا واحنا راجعين ودوبنا مكسنا الخط الا والباص مافي اي بنزين ياهو منا منا قالو مافي امل وانا كنت مستعجل سالتهم كم باقي مسافه قالو 40 كيلو بس نزلت حبل وربطوا على صدري وصرت اجر الباص بالحبل وهوا ثقيل ومليان وانا ادف لحالي وشويا كدا الباص علق مو راضي يمشي وباقي 10كيلو رحت جبت خشبات وحطيتها تحت الكفرات وجلست اسحب الباص لين ماوصلنا في ربع ساعه الا نص وسلامتكم

كوووول بوي

يوم من الايام وانا في استراليا حضرت سباق فورمولا واحد وكان في داك اليوم في كل المتسابقين المعروفين وبطل العالم كان موجود يعني سباق مرررررة قوي ودوبي دخلت المدرج بدا السباق وكعادته بدا قوي وبدات المراتب تترتب لين ماصار الاول بطل العالم والتاني وراه بفرق قليل وباقي عالسباق دورة وجات لفه قويه وجاء بطل العالم يلف وطار الكفر حقووو فوووق وجا في يدي الكفر ماني عارف ايش اسوي والسباق باقيلو دورة نطيت من عند الجمهور ونزلت رفعت السيارة على ركبتي وركبت الكفرمحلو ودفيته شوي ورجع مسك الخط وجاب الاول واخد الكأس

5- لولو الصغيرة

مرررة كنت مربيه ارنب وارنبه في البيت وكنت حاطتهم مع بعض وكنت اكلمهم جزر كل يوم والبسهم وادلعهم اخر دلع يوم من الايام تعب الارنب وصارماياكل وكدا حاولت اكله وكدا مو راضي بعدها بكم يوم جيت لقيته خلاص بيموووت قمت مسكته واكلته بالقووة وشربته موويا وكدا لين ماانتفخ وصار دوبا جيت اليوم الي بعدولقيته طايح كانه ميت جيت احركه مايتحرك ومفي نبض وكدا رحت جبت سكين ولبست جونتيات وفيكت بطنوا وفضيت الاكل الي اكلتو هوا كلو ودخلت يدي عند القلب لقيته واقف غيرت بطاريتو وركبت بطاريه جديدة وقام الارنب تاني

6- خيال رغم انف الخيل

يقولك مرة كنت ماشي في عزيز مول الي في لندن وكنت متجنتل وطالع شكلي كوووول المهم واطالع يميني الاقي زينب العسكري متلثمة
هههههههههههه واغمزلها وفهمت الهرجة واقرب من جنبها وارميلها الرقم وتاخده وتدق عليا رنه !! اقوم ارجع اتصل عليها وترد وطلعلي داك الصوت الي يخوف قالتلي انت الحلو الي كنت في السوق اقولها لالا مو انا
واعطي توم كروز الرقم << ترى توم كروز صاحبي المهم
اعطيتو الرقم وصار كل يوم يكلمها وشبكها ويقولك دحين يفكر يطلق جينفر لوبيز و يتجوز زينب العسكري لكن المشكلة انو ابو زينب يبغا مهر 30 ريال
توم كروز ما معاه والي دحين قاعد يجمع

7- روكي

مره كنت ماشي في نييورك جالس اتمشى بسيارتي z فجاه كان في حريق في البيت في الدور التاني وكان في عايله مو عارفين كيف يخرجوا من العماره وانا نزلت من السياره وانا كنت لابس جزمه لمن اجي انط فووووووووووووق ااضغط الزر وانط وانا شريتها من لندن عشان انا لاعب سله في نييورك والمهم ظغطة الزر نطيت فووووق خشيت العايلة وفجاءة سمعت صوت ولد صغير يبكي في العماره وانا وانا مره تانيه نطيت ونزلت الولد وبعدين طفوا النار وانا ساعدتهم وبعدين جاني رئيس المطافي واداني 5 مليون ريال ((محوله بالسعودي)) والملك قالي اي شي تبغاه اتصل علي .. وانتهت الكدبه

8- نونة الحنونة

مرة وانا مع اخواني واخواتي طالعين الدرة ويحنى في الخط وانا راكبه جنب اخويا قدام وهوا ماشي كدا فجاة جالو النووم ونام واحنا في الخط مسكت الدركسون عنو وقفتو على جنب وركبته جنبي ومسكت الخط انا لين الدرة وماقصرت ماسكه الخط والعداد جالس يفصل واخر حلاوة وصلنا واتمشينا واتعشينا ورجعنا

9- احلى بنوتة

كدبتي انو مرررة كنت جالسه على البحر مع مامي وبابي واخويا الصغير وعمره 2 سنتين يعني يادوب يمشي
وشويا واحنا جالسين وهوا يمشي يمين ويسار ماشاء الله وشويا كدا طاح على البحر والبحر عميق وابويا مايعرف يسبح وانا يادوب متعلمه ولابسه عبايه وحاله نطيت وطلعته من جو وجلست ماسكته وخضيته لين ماطلعت المويا من بطنوا وخرجتوا وانا خرجت بعدو ونشفت نفسي وماصار شي وسلامتكم

فأذا النومنية لهذا الاسبوع هما ( احلى بنوتة Vs نونة الحنونة )

وبهذا فان على جميع المشتكرين الذين قامو بارسال كدبتهم ( 7 مشتركين ) بالتصويت للعضو الذي يردون بقاءة في بالرد على الموضوع

املأً من الجميع ان يشدو حيلهم في الجولات القادمة لانو البطولة قوية جدا وملتهبة وحامية الوطيس
واسال الله اني اكون محقاً في الترتيب ومحد يزعل مني .

ملاحظتين هامة جداً :

1-على كل المتاهلين الي الجولة الرابعة والفايز من النومنية بارسال كدبتهم قبل يوم الجمعة القادم والوقت مفتوح من السبت الى يوم الجمعة والسبت ساقوم باعلان النتايج في موضوع مشابهة لهذا الموضوع

2- عندما يصل عدد المشتركين الى خمسة مشتركين ساقوم انا وافضل مشترك خرج من البطولة بترتيب المراكز من الاول الى الخامس وصاحب المركز الاول هو الفائز

وتقبلو خالص حبي وتقديري : ابليس الدعيس

حركاااااااااات

وانا اصوت لنونه

لأنو كدبتها اقوى

بعدين يا نذل
انا السادس

ارويك مشكلجي

هههههههههههههههههههههههههههههههههههههههههههه

شفتو كيف انا كداب

وبعدين انا ليش السابع المفروض الاول هههههههه

لحد يزعل ترى انا احب اعادل

واصوت لاحلى بنوتة

ههههههههههه

مشكوووووورين وانقبل تصويتكم

وباقي خمسة اصوااااات

يسلمووووووووووووووو ابليسووا

ومشكووور على المجهود الرائع

ودايما مثالي في نظري ونظر الكل

الله يعطيك الف عافيه يالغالي

وانا اصوووت لاحلى بنوته

هههههههههههههههههههههههههههههههه

الصداره

محد قدي

كداب بقوه

ههههههههه

انا اصوت لي

احلى بنوته

وتقبل مروري

مشكوووووووورين فانو وديبو على مروووركم

وانقبل تصويتكم

والنتيجة

3-1 لاحلى بنوتة

وباقي 3 اصوااااات

يوااااااااااااااااااااااد والله انا طلعت حركات بس إشبي معلق على المركز الثانية خخخخخخ

والله احب ابارك لكل الفايزين وأقول للمهزومة هارد لك يعني حظ أوفر >> صار يعرف إنجليزي خخخخخ

المهم والله انا اصوت لبقاء نونة الحنونة مع إنو كذبتها ماهي قد كذا لكن احسن بشوي من كذبة احلى بنوتة وأصلا هيا في النهاية لعبة يعني عايدي أنهزمو مافي مشكلة خخخخخخخخخ

ويالله برب

يالله

ياباقي صوتو بسرعه

خلونا ندخل الجوله الخامسه

ترى انا مره متحمس

ههههههههههههههههههههههه

مشكوووووووووووور الكوبر على مروورك

وانقبل تصويتك

والنتيجة 3- 2 لاحلى بنوتة

وبقي 2 اصوات

واعتقد اني هذة الصوتين جداً مهمة

وبالتوفيق للجميع

مشكووووووووووور ابليسو

وبصراحة حيرتني مررررررررة

كلهم يقربولي يعني اختار مين

وبعدين هما ماردو عشان زعلانين

بس انا راح اساوي النتيجه

واصوت ل نونه الحنونه

وتقبل مروري

يعني انا الي راح احسمها

لوووووووووووول

وانا اصوت لاحلى بنوته

وتقبل تصويتي

مشكووورين حبايبي على تصويتاتكم

ومبرووووك تأهل احلى بنوتة

وهارد لك نونة الحنونة

وبالتوفيق